خواطر زمالكاويه الخبراء والمحللون . يفكرون ..يتساءلون فى جنون .. لالا مش حبيبتى من تكون ..الزمالك حبيبنا كلنا طبعا .انما هم يفكرون ويتساءلون ايه اللى بيحصل ده ..ايه اللى انا شايفه ده .. ايه الطعامه والحلاوه والشقاوه ده .
والزمالك جميل ..والسر فى التفاصيل ..والتفاصيل كثير وكل واحد هايشوفها من زاويه .. وانا وجهه نظرى ..ان المعجزه دى هى انتصار للسيستم .. واذا كان الواد برايز .. قال العيب فى السيستم . . فهو كان مغفل اصلا ..لان الحكايه اننا كثير افتقدنا السيستم ..ولما يبقى مافيش سيستم ..اكيد العيب مش فى حاجه مش موجوده اصلا .. اللى بيحصل فى رايي ..له اكثر من سبب .. سبب منطقى .
واقعى ممكن نقيسه بمقاييس البشر العقليه ونرصده . وسبب ربانى .. وده بقى عقولنا اعجز من انها تعرفه او تستوعبه .. السبب المنطقى هو ان ده انتصار للسيستم .. الزمالك اتحول لفريق عنده سيستم .. جماعيه الاداء . .وواجبات كل مركز فى الملعب وحدوده وتحركاته وديناميكيه التعاون الحركى بين اللاعبين ..فى كل مركز .. اقربهالك .. كل لاعب بيحفظ واجبات مركزه وايه المطلوب منه .
وازاى يتحرك مع زمايله دفاعا وهجوما .. كل ده بينتج هدف جماعى للفريق .. وخلونا نتكلم كميكانيكيه .. علشان كده العربيه ماشيه .تنام فرده كاوتش تغيرها تمشى . الكربراتير ياخد انذارات .نغيره الريدياتير يتوقف والا يتصاب . نغيره حتى لو بنوع اقل جوده بس هايشتغل نفس الشغلانه .
وسواقنا شاطر وغزالته رايقه ..وطالما الغزاله رايقه والناس الحلوه سايقه .. يبقى ليه تسوق على مهلك ..دوس عالدنيا وامشى عليها ياعم البروف . وغنى يا برنس الليالي يا رمانة الميزان يا هاف ديفندر قلبي فينك من زمان.. الحكايه ببساطه ان الزمالك اصبح فيه سيستم للفريق .. والكوالتى ممكن طبعا يكون مؤثر لكن دايما السيستم والجماعيه بتنتصر وبتتوارى داخلها العيوب الفرديه للبعض .. لو اتوفر فيها عنصر الجديه والالتزام .
ده لايمنع ابدا ولايتعارض مع وجود مساحه للابداع . الفردى .. طالما بتتم فى اطار الجماعيه ولاتضر او تكون على حساب الاخلال بالسيستم .. اى محلل حاليا ..بيبقى صعب يطلع لاعب واحد كنجم للفريق ..او يطلع لاعب مقصر جدا .
حتى المثلوثى وروقا وغيرهم .. السيستم اخفى عيوبهم .. والجماعيه غطت على القصور فى النواحى الفرديه .. ولما اى لاعب بياخد الثقه ويلعب مش خايف انه يغلط ..هايتقدم او على الاقل هاينفذ المطلوب.
حتى لما البروف بيغير طريقه اللعب ..كل لاعب عارف واجباته . لما تتغير .. وانت بتتفرج ماتحسش انه غير من 3-4-3 الى 4-3-2-1 ولا 5-3- 1- 1 .. كسباروف واقف على الخط ..والراجل اللى فووق . .بيصور ويحلل وكانه قمر صناعى . بيكشف مناطق القصور عندك وعند المنافس .
الكوره مافيهاش نظريات ثابته .. ولا قواعد ثابته ..لكن النظام له قواعد .. اهمها الالتزام والقدره على اداء الواجبات .. الزمالك فاز على بيراميدز بالسيستم والالتزام والروح مش بالكواليتى .. لان بيراميدز كسب الاستحواذ بالكواليتى .
وطول الماتش بعد نصف ساعه ..تحس ان فيريرا .متقمص دور فيلب اغسطس فى الناصر صلاح الدين .. وهو بيشوف السهام الناريه تطلق على الابراج بلا تاثير ..وهو بيبص على تاكيس ويقوله حاول ثانيه .. يالك من شنقيط .
وتحس ان البروف قعد كده على ترابيزه .. وجاله المثلوثى بحله محشى وفيها بطه .. انت بتلعب ايه باك رايت . لا العب مساك ناحيه اليمين .. انت مين ياض .. انا عبد الغنى ..وجايب لك معايا صينيه مكرونه بشاميل .. ومش بالعب وبينتقددونى .. هتلعب هاف ديفندر .. ونفس الشئ مع روقا ..اللى داخل بصينيه كنافه بالمانجه .. الا المنيل اللى انتم عارفينه ..اللى جاب له سندوتشات فول ..وحتى مش من عند الفلاح .. قاله طول مانا بدرب .. انت مش هتفارق الدكه .
النوايا المخلصه . جلبت الحظ والتوفيق . . وعدل ربنا ..قهر المنافسين بضلالهم وكدبهم . وانتزع الفرحه للقلوب البيضاء من رحم المعاناه وبرغم الظروف القهريه لدرجه المستحيل انت بتحقق المعجزه بكل ماسبق .
لازم نرصد توفيق ربنا ونشكره لانه بيكافئنا على صبرنا وعلى قهرنا وبيعوضنا عن الظلم . بكوره تضرب فى العارضه فى وقت صعب .او بهدف بيعدى من بين رجلين 2 لاعيبه . .او كوره فى الزحمه تعدى جنب العارضه او ببنالتى فى اول المباراه . . هو ده التوفيق والتدخل الالهى .
وكل التحيه لل var اللى حرم ولاد الحلااام .. من ممارسه طقوس التعريض وتقديم قرابين الرضا لمنبع الفساد . .حتى لو بنسبه 50% .. وترك لهم فرصه التعريض فى الانذارات والفاولات . والوقت الضايع .. وعلشان كده مقهورين ومش مصدقين لانهم اتربوا على استحلال الحرام لدرجه بيعتبروه فن وحق .. وال var كشف عوراتهم .. لاننا فوزنا باول 2 دورى بالvar لما اتطبق من بدايه الموسم واوعى تنسى السوشيال ميديا واليوتيوب .. اللى حفظت التاريخ من التزوير . وردت على كل كداب ومزور ومدلس بالصوت والصوره .. وغالبا بلسانه .
حفظ الله زمالكنا ..وحفظ زمالكاويتنا . ومدرسه الفن والهندسه . واسعد قلوب االطيبين .. جماهير الزمالك العظيمه .. فى حب الحق والخير والجمال وصباح الخير
[…] خواطر زمالكاويه […]