كـتـــب : عـبـده اشــرف
قال المستشار مرتضي منصور عدت تصريحات هامة جدا لجمهور الزمالك من خلال ظهورة في برنامج زملكاوي الذي يقدمة الإعلامي الكبير احمد جمال حيث خرج علينا المستشار مرتضي منصور في مداخلة هاتفية
لتكون المداخلة بمثابة جلسة صراحة بينه بين جمهور الزمالك بصفتة كبير العائلة الزملكاوية و رئيس نادي الزمالك
حيث اطلق المستشار مرتضي منصور تصريحاته النارية المعتادة الذي تعتبر شيئا هام بالنسبة لجمهور الزمالك وسنسرد لكم التصريحات كما ذكرت بالنص علي لسان المستشار مرتضي منصور حيث قال.
في احتفالية كبرى هتكون في ستاد عبد اللطيف ابو رجيلة بعد الفوز بالدوري باذن الله ، هيكون فيها محمد منير أو عمرو دياب.
سيتم توفير 100اتوبيس لجماهير الزمالك يوم الجمعة من امام النادي الساعة 11صباحاً لحضور مباراة الزمالك امام فاركو في الإسكندرية
ياسر ابراهيم لاعب الاهلي كان قاعد في مطعم.. شافه مشجع اهلاوي راح قاله انت ليك نفس تاكل وانت خسران الدوري والكاس.. راح ياسر اتعصب علية وقام ضربه بالبوكس…. انا بس بقول القصة دي عشان العيال الهبلة القطيع قالوا ده ياسر ضرب مشجع زملكاوي… هو في مشجع زملكاوي هيروح
يتخانق مع ياسر ده راجل عملنا الهدف التاني اللي كسبنا به الكاس ده لو زملكاوي قبله في الشارع هيحضنوا ويبوسو كمان
بعض جماهير الزمالك بيقولولي ممتكلمش مش علشان خايفين عليا لا
علشان خايفين علي الزمالك
طيب وانا بقي اتسجن و مدافعش عن نفسي عادي !!
انتو اساسا مش زملكاوية انتو ناس بتقبض
الزمالك هو من قال “شكرا” لكل من طارق حامد ومحمد أبوجبل الذي يرغب الآن في العودة والاعتذار للجمهور لكن هذه قضية أخرى..عودته مرهونة بقرار فيريرا .. المدرب لم يرفض عودة الحارس لكنه كان مستاء من تصرفات طارق حامد.. أبو جبل له بديل هو محمد عواد لكن طارق لم يكن له بديل
الزمالك عنده ماتش مهم مع الإسماعيلي وهوا فريق كبير جدا
من فضلكم يا جمهور الزمالك متشغلوش نفسكم بيا ممكن
من فضلكم قدامكم ماتشين الزمالك اهم مني الزمالك اهم مني
والدولة لو عارفة ان انا غلطان كنت اتحاسبت فورا
قدامنا ماتشين نكسبهم نحتفل بالدرع كلنا هنا في القاهرة
ماتش فاركو في الإسكندرية و ماتش الاتحاد السكندري هنا في القاهرة نكسبهم نحتفل فورا أطالب الجمهور بالمستندات و الدعم للفريق
ووجه رسالة اخري الي الحارس الشاب محمد صبحي حارس مرمي فاركو
وقال له بالنص :-
انت يالا ملكش مزاج تلعب في الزمالك !! انت كنت بتيجي تعيط علشان اديك 100جنيه
يخربيت الفلوس اللي بتغير يا أخي
قلت لـ أمير يقوله انت متشرفش الزمالك انك تكون فراش فيه يا محمد يا صبحي
واستكمل المستشار مرتضي منصور حديثة قائلا
بالفعل ابوجبل قدم اعتذار و عايز يرجع لكن فيريرا مأجل كل ده لبعد ماتشات الدوري
فيريرا مرفضش ابوجبل ولكن هوا زعلان من طارق حامد
ثم تطرق المستشار الي واقعة حسام حسن والحكم المساعد حيث قال
كل الفرق بتلعب من غير مشاكل اشمعنا الفريق ده بالذات هوا اللي عنده مشاكل يا مع الفار او الحكم او مساعد الحكم او الاخراج ويعني أيه واحد مساعد يقول لحسام حسن هبطلك كورة ! انت هتبطل حسام حسن كورة ! انت الولد ده يتوقف أيه شغل الهلافيت ده ،
ثم اختتم المستشار مرتضي منصور حديثة قائلا المقصود مش مرتضي منصور المقصود اي حد يقوم نادي الزمالك أيه يعني قضية سب وقذف انا عامل 86قضية سب وقذف ضد محمود الخطيب عادي يعني بلاش قلة الادب دي علشان متزهقونيش انا متحمل كل ده علشان الجمهور و الجمعية العمومية المحترمين .